فريق صح لسانك وأمريكا

أثناء التجول في ممرات الحقيقة ..وجدت ملعبا ممتلئا بجماهير الشعر .. وفي أيديهم بعضا من الحصى 

وبعضا من الماء .. وبعض السراويل القديمة ..!! 

دخلت الملعب .. وسألت أحد الجماهير / وش صاير ..؟؟ قال أنت منت بالبلد ..!! المباراة شغالة بين فريق صح لسانك ذو القمصان الحمراء الزرقاء وفريق الحقيقة .. ( البلد المضيف ) بالقمصان البيضاء .. !! 

طبعا كالعاده فغرت شوية  .. يعني صدمت بشحنة كهربائية غير طبيعية .. وتمالكت زمام أوردتي ..ورجعت للسؤال .. قلت / يابن الحلال .. وصح لسانك هذا من وين جاي ..؟؟ 

قال هذا من أمريكا طال عمرك .. فريق شباب صغيرين يقولون شعر غير شكل .. قلت / والشعر اللي يقولونه طازه .. يعني حار يافول ... ولا مطبوخ من أول ... قال / هذي مباراة مافيها شي مطبوخ كله طازة .. قلت / طيب وشفيهم سكتوا يوم جيت ... قال / لالا هذي إستراحة مابين الشوطين .. 

قلت / بالله أنا مستعجل وراي عيال ومدارس ومقاضي للبيت .. سمعني بعض اللي قالوه .. 

قال / أبشر .. أستلم .. 

النار قلبي والحطب عشق شارون 

__________ والديرة الللي مابها بوش شينه 

حنا بعصر العولمه بألف مليون 

__________ مشعابنا غربي وله مايزينه 

عصر الغزل ومطارحة بنت بالهون 

__________ هي كل تلوين البشر بالمدينه ... 

قلت أيه / صح لسانك .. قال / لاتقولها لي .. قلها للي قايلها ..اللاعب رقم ناقص سبعة .. 

قلت / هين .. أنا ماسمعتها في حينها ولا قلته ..ولكن الفريق الثاني فريق الحقيقة وش قال ..؟ 

قال / استلم .. 

مهما تلونتم على طرق مفتون 

_________ الصح صح ولو شكت منه عينه 

بيت الحقيقه عالي الصرح مزيون 

_________ يوم الجبل ماضره اللي يهينه 

انتم هواكم دف ومطارح النون 

_________ واحنا البحر وانتم مجرد سفينه 

قلت / صح لسانك ولسان قايلها ... عز الله فازوا بأمر الله ... 

قال / المباراة ما خلصت .. خلك معي نكملها سوى .. قلت الله يستر عليك أناوراي ماهو أهم .. 

بس قبل ما أمشي عندي سؤال ... قال / تفضل .. قلت / الحجارة والما والسراويل اللي مع بعض الجماهير .. وش هي له ..؟؟ 

ضحك بقوة .. وقال / الحصى للي مايعدل لسانه .... ويجاري أمريكا ... والما للي يغمى عليه من فريق 

الحقيقة .. والسراويل ... هاااا ..تلعثم ..ولاعرف أش يقول( فغر مثلي  ) .. قلت / هون على روحك 

أنا أقول لك لمن السراويل ... السراويل لمشجعي فريق الحقيقة ...لأنه بتنتهي المباراة بفوزهم عن إقتناع من فريق صح لسانك .. وفي تلك اللحظه يطلب فريق صح لسانك اللجوء السياسي لدى فريق الحقيقة ... ويقوم الجمهور في تلك اللحظة برمي السراويل لفريق صح لسانك لستر عوراتهم التي أبتدعوها أثناء تقليدهم لشعبهم الأمريكي .. 

ضحك الرجال .. وقال ../ الله يستر عورات المسلمين ويرجعهم للصواب والحق .... وأنا من اليوم ورايح .. سأشجع فريق الحقيقة .. أينما رحل .. 

قلت له ../ الله يصلح حالك وحال البقية الباقية .. ولكن الظاهر من شروطهم .. حتى يقبلونك مشجع رسمي .. مايلي / 

_ تقاطع المنتوجات الأمريكية .. 

_ ماتسمع غزل كثير .. يعني كل شهرين مره .. 

_ تخلص لقلبك ولأذنك .. 

_ تقول للسانك أصحى يانايم وحد الدايم قبل أي كلمة تشجيعية للفريق .. 

_ تشيل كمية الوسخ التي بأذنك وبقلبك التي تعطلك عن سماع فريق الحقيقة .. 

_ تحمد الله وتشكره على أنك في وطن الحقيقة ... 

قال / موافق .. موافق .. موافق ... 

وقلت له / الله يوفقك لما فيه خير وصلاح الوطن .